Defnyddio data o ddigwyddiadau cyfranogol ac ymgynghoriadau i’r eithaf

16 Chwefror 2011 – Canolfan Cristnogol y Winwydden, Pen-y-bont ar Ogwr

Cost A £125 B £155 C £185

Bydd y cwrs ymarferol hwn yn rhoi’r cyfle i’r rhai sy’n cymryd rhan i ymarfer dadansoddi mathau cynyddol gymhleth o ddata, a gynhyrchir gan ddigwyddiadau go iawn, mewn ffordd gyfranogol. Bydd y cyfranogwyr yn meithrin sgiliau a hyder sylweddol wrth ddadansoddi data ansoddol yn fanwl a deall egwyddorion llunio casgliadau o ddata o’r fath. Byddant yn ymarfer canfod arwyddocâd a llunio casgliadau o’u dadansoddiad, eto mewn ffordd gyfranogol.

Mae’r cwrs hefyd yn adolygu nodweddion grwpiau ffocws a digwyddiadau sy’n cael eu hwyluso ynghyd â’r defnydd o dechnegau cyfranogol, megis gosod mewn trefn yn ôl gradd a phleidleisio, fel opsiynau amgen yn lle canllawiau pwnc yn nhrafodaethau grwpiau ffocws.

Hyd 1 diwrnod

Cynulleidfa darged

Ymarferwyr a hwyluswyr y mae angen iddynt ddadansoddi, dehongli a llunio casgliadau o ddata ansoddol.

Nod dysgu

Rhoi i gyfranogwyr y wybodaeth, y sgiliau a’r hyder i ddadansoddi, dehongli a llunio casgliadau o ddata ansoddol.

Amcanion dysgu

• Adolygu nodweddion grwpiau ffocws a digwyddiadau sy’n cael eu hwyluso drwy ddefnyddio technegau cyfranogol
• Darparu’r cyfle i ymarfer dadansoddi mathau o ddata
• Meithrin sgiliau a hyder i ddadansoddi data ansoddol a meintiol
• Deall egwyddorion llunio casgliadau o ddata o’r fath
• Ymarfer canfod arwyddocâd a llunio casgliadau o’u dadansoddiad

Canlyniadau dysgu

Erbyn diwedd y cwrs, bydd y cyfranogwyr yn gallu:

• Disgrifio nodweddion allweddol grwpiau ffocws a sut a phryd i’w defnyddio
• Nodi technegau cyfranogol i’w defnyddio wrth gasglu gwybodaeth mewn digwyddiadau sy’n cael eu hwyluso
• Ymarfer technegau cyfranogol wrth ddadansoddi data ansoddol o wahanol raddau o gymhlethdod
• Magu sgiliau a hyder wrth ddadansoddi data ansoddol fydd y canlyniad dysgu pwysicaf
• Dod i wybod am rai egwyddorion a fydd yn help i lunio casgliadau o ddadansoddiad o ddata ansoddol